سه‌ربه‌یانیى ئه‌مڕۆ چوارشه‌ممه 22ى ئۆكتۆبه‌رى 2014، به‌ڕێز نێچیرڤان بارزانى سه‌رۆك وه‌زیرانى هه‌رێمى كوردستان، پێشوازى له به‌ڕێز "سێر ریچارد ئۆته‌وێى" سه‌رۆكى لیژنه‌ى په‌یوه‌ندییه‌كانى ده‌ره‌وه‌ى په‌رله‌مانى به‌ریتانیا و شاندێكى یاوه‌رى كرد، كه له ژماره‌یه‌ك له ئه‌ندامانى لیژنه‌كه پێكهاتبوون.
له دیدارێكدا، شانده‌كه ده‌ستخۆشییان له حكوومه‌تى هه‌رێمى كوردستان كرد بۆ ئه‌و ئارامى و سه‌قامگیرى و پێشكه‌وتنانه‌ى له هه‌موو بواره‌كاندا هاتوونه‌ته دى، هه‌روه‌ها سوپاس و پێزانینان بۆ حكوومه‌ت و خه‌ڵكى كوردستان ده‌ربڕى كه وێڕاى هه‌بوونى كێشه‌ى بودجه و سنورداریى تواناكان، باوه‌شیان بۆ ئه‌و ژماره زۆره‌ى ئاواره و په‌نابه‌ران كردووه‌ته‌وه. هه‌روه‌ها دوایین سه‌ردانى به‌ڕێز نێچیرڤان بارزانییان بۆ به‌ریتانیا به سه‌ركه‌وتوو و ئه‌رێنى هه‌ڵسه‌نگاند و داوایان كرد كۆمیته‌ى هاوبه‌شى په‌ره‌پێدانى په‌یوه‌ندییه‌كانى هه‌ردوولا كارا بكرێت.
په‌یوه‌ندییه‌كانى هه‌ولێر و به‌غدا، كێشه‌كانى بودجه و مووچه و پرسى هه‌نارده‌كردنى نه‌وت و هه‌وڵه‌كان بۆ چاره‌سه‌ركردنى كێشه‌كان، گرنگیى به‌شداریكردنى سوننه له پرۆسه‌ى سیاسیى عیراق، ڕۆڵى هاوپه‌یمانان له جه‌نگى دژى تیرۆردا، هه‌روه‌ها بارودۆخى ئاواره و په‌نابه‌ران و پێویستیى هاوكاریكردنیان له لایه‌ن حكوومه‌تى فیدرالیى عیراق و كۆمه‌ڵگه‌ى نێوده‌وڵه‌تییه‌وه، ڕه‌وشى كرێكاران و كارى سه‌ندیكایى و مافه‌كانى مرۆڤ و مافى ئافره‌تان له كوردستان، چه‌ند ته‌ورێكى دیكه‌ى دیداره‌كه بوون.
به‌ڕێز سه‌رۆك وه‌زیران سوپاس و پێزانینى هه‌رێمى كوردستانى بۆ به‌ریتانیا دووپات كرده‌وه بۆ هاوكارییه سه‌ربازى و مرۆییه‌كانى و ڕوونى كرده‌وه كه ڕاسته ئێستا له شه‌ڕى دژى تیرۆردا ده‌ستپێشخه‌رى كه‌وتووه‌ته ده‌ستى پێشمه‌رگه، به‌ڵام بۆ نه‌هێشتنى مه‌ترسیى تیرۆر، پێشمه‌رگه پێویستى به چه‌كى قورس و ڕاهێنان و هاوكاریى زیاتر هه‌یه. ده‌رباره‌ى ئاواره‌كانیش جه‌ختى له‌و كرده‌وه كه وێڕاى هه‌موو كێشه‌كان، هه‌رێمى كوردستان له هاوكاریكردنیان به‌رده‌وام ده‌بێت. هه‌روه‌ها حكوومه‌ت به‌رده‌وام كار بۆ پێشخستنى كارى سه‌ندیكایى و ڕێكخراوه‌یى ده‌كات. له كۆتاییشدا داكۆكى خواستى پێشخستنى په‌یوه‌ندیى دوولایه‌نه كرایه‌وه.
دوایین هەواڵەکان
- نوێنەری حکومەتی هەرێم لە ئێران: سەردانەکەی پزیشکیان ئاماژەیە بۆ گرنگیدانی ئێران بە هەرێمی کوردستان
- هه‌رێمى كوردستان و ئێران جه‌خت له بره‌ودان به په‌يوه‌ندييه‌كانيان ده‌كه‌نه‌وه
- سه‌رۆک نێچیرڤان بارزانی: سەردانی سەرۆک کۆماری ئێران مێژوویی بوو
- نازم دەباغ له وتووێژ له‌گه‌ڵ ئاژانسی ئیرنا: مەسعوود پزشکیان سەردانی هەولێر دەکات
- نازم دەباغ: کاتی سەردانی پزیشکیان بۆ عێراق دیار نییە
- «سەلام رشدی» له‌گه‌ڵ شاندی یهکێتی هاورده و ناردنکارانی لقی هه‌ولێر کۆبۆوه
- سه‌رۆك نێچيرڤان بارزانى: هه‌ميشه پشتيوانى و به‌رگرى له مافه‌كانى ئێزدييان ده‌كه‌ين
- سه‌رۆک نێچیرڤان بارزانی له‌گه‌ڵ باڵیۆزی یه‌کێتیی ئه‌ورووپا کۆبووه‌وه
- سه‌رۆك نێچيرڤان بارزانى له‌گه‌ڵ باڵيۆزى نه‌مسا كۆبووه‌وه
- سه‌رۆك نێچيرڤان بارزانى سوپاسى جهنهرال ڤاول ده‌كات